Blog aus dem Jugilager 2011

Gut gestartet und gespannt was die nächsten Tage bringen. Man merke: Gut organisiert und vorbereitet ist halb gearbeitet!

Es gefällt mir gut. Wir haben viel gespielt und jetzt Essen wir dann Znacht. Liebe Grüess Joel Läng

Wie immer gits am erschte Tag die feine Spagetti.
Hie ds Willisau ischs mega LUSCHTIG und GUET!!!

hoi zämme, mir si hie im ne schänne u güeede willisäi es wird allwäg e schäni wuchhe hie im schene luzern .

Hiäää ds Willisouuuu is mega cool !!!!!!
ds Ässsä isch o mega feiiin!!!!!!!

kleine anekdote zum wochenstart. Situation im Zimmer unserer kleinsten Schützlinge: H.N. macht radau. Ich: "willst du das hier in diesem schlag 8 andere nicht schlafen können?" H.N. "Nein". Ich: "Gut dann schläfst du jetzt oder ich wecke dich morgen für das 6.40 Footing." beim hinauslaufen S.B. ganz leise: "chrigu" Ich : "Ja?" S.B. ganz leise: "wir sind nur 7".....

Hallo Kinder, hallo Leiterteam, lieber Silvan.
Was war dass für ein toller Start in das Mega Projekt Jugilager, Wow! Anhand den strahlenden Gesichter macht das Lagerleben sehr viel Spass, wir zu Hause gebliebenen geniessen die tollen Bilder! Wir wünschen euch einen coolen zweiten Tag. Liebe Grüsse von Monika & Roland

Hallo dir grosse und chline Turner Liebi Rahel
Mir hei ganz gspannt die super Fotos agluegt und hoffe dir heigit guet gschlofe.
Rahel mir wünsche dir no ä spannendi Wuche und viu Spass.
Hei Leiter dir heit do ä risegi super Sach Organisiert. Merci für öii Arbeit. Liebi Grüess Fam. Hugi

Hallo Zämä.
Ich freue mich sehr heute nachzureisen.
Ich kann es fast nicht erwarten!!!
Bis bald.Livia

hallo zämmä....miir si jetz siit gester hie..aues ish mega schön eifach d bett si ä katastrofä....si quitsche mega.....aber shüsh hei mers guet.....liee grüess vo judith,lea u rahel

Liebs Leiterteam
Ig wünsche öich für die Wuche im Jugi-Lager viu Spass, Fröid, Närve und wenig Ärger mit dä Kiddis! Wär sooooo gärn ou mitcho....

Liebi Kiddis
Ig wünsche öich für die Wuche im Jugi-Lager viu Spass, Fröid, Närve und wenig Ärger mit äm Leiterteam! ;-)

Liebs Grüessli
Angie

Hallo zäme, hallo Michelle
Ganz ä gueti Sach das Jugilager! Merci viu mau aune Häufer. Hei scho fliesig Fotos agluget, warte spannt scho uf die nöchschte. Michelle hesch guet könne schlofe? Mir wünsche dir no ganz ä tolli Wuche und viu Spass. Ganz ä liebe Gruess Anita und Daniel Hess

Ich staune, wie gut es läuft hier im Jugilager! Die Kinder sind alle super!!Motiviert machen sie alles mit, sind aufgestellt und schlagen sich prima bei den alltäglichen Herausforderungen. Das Leiterteam inklusiv Küchenteam leistet tolle Arbeit. Es macht Spass!
Gruess äiwi

Hoi zämä
Hie im Jugilager isches voll COOL!!!
D Better sie wie im Militär sehr UNBEQUEM. Es hett mega viel Turnhauene und viel Grät.Jede Morge chamer am 6.40 uhr go sekle. Ganz liebi Grüess usem JUGILAGER Celina und Céline

Heute hatten wir Getu gehabt.
Es war cool.

hidde im schenne wilisöi hämmer wider en hüere schänne tag ghaa eifach e bizli cool :!!!!!!

Hallo zämä. Hallo Michèle und Nadine
Mir hei grad die super Föteli agluegt, gseht nach viu Spass us.Mir wünsche euch aune ä gueti Nacht!!! Merci a aui Leiter für die super Organisation und Arbeit.
Liebe Grüsse Simon, Nicole und Jael

hallo mami u papi äs isch mega kul hie im jugilager ä liebä gruss michele u nadine

Hey Gurk, jennifer schreibt man mit einem normalen iiiiiiiiiiiiiiiiiiiii

Hoi zämä. Morn gäbe mir wieder vou gas. Am Morge geitme aube go Jogge. drfür chame am Obe frühecher Fürobe mache.

sagt das Pommfrit zum Spaghetti, gfrässe wärde wetti. Rüsche sagt zu Küsche, "wo ist ächt der "Brosche?" Da schrie Brosche aus dem Kämmerlein, "ich bin hier mit dem Messerlein, und schneide das Brot, in Schnittelein." vielen Dank für die Spenden, sie sind sehr fein zum verwenden.

muesch de öbee ufpasse süsch grfiffe mer de öbe einisch zäme im schwingkeller hie z willisou

Hoi Mami
Gester hei mir Revue güebt, das het mi no luschtig dünkt. När hei mir ade Ringe turnet, das het mir gfaue.
Liebi Grüess Lukas

Hüt hei mer für d'Revue güebt. Das isch mega Lustig gsi. Mir geits guet u gfaut mer do. E liebe Gruess a aui.

Bisher isches super lustig gsi.Und es wird sicher ou lustig blibä.

Hallo Janik
Üs geits guet, bi mega froh dass es dir im Jugilager gfallt. Bi scho gspannt was aus weisch zum verzelle. Häb ganz e gueti Wuche. Mir hei di fescht gärn. Philip, Papi und Mami.
PS: Ganz es härzlechs Merci as Leiterteam, dir sit gwaltig!!!!

Liebi Kim
Mer verfolget jede Obig gspannt, was er weder alles tolls erlebt händ im Jugilager. Gnüss die nöchschtä Tag no ganz fescht. Mer händ di gern und freuet üs uf dä Samschtig.
Papi, Mami und Joy
Es riesigs Dank au a alli Helfer wo das Lager ermöglicht händ!...und wieterhin gueti Nerve ;-)

Lieber Manuel, liebe Jugeler, liebe Leiter
Wenn man die Bilder auf der Website sieht und eure Kommentare im Blog liest, wird es sehr deutlich: ihr verbringt eine ganz tolle Woche. Geniesst sie in vollen Zügen und gönnt euren Leitern auch ein wenig Schlaf… Dem ganzen Organisationsteam ein ganz grosses Dankeschön!!!
Hannah, Rahel, Mueti, Vati

Liebe Simona, lieber Rafael und Tobias
Schön zu lesen und zu sehen wie toll ihr es in Willisau habt. Bestimmt werdet ihr durch das viele Training richtig fit und zwäg, oder trainiert ihr nur die Mund- und Lachmuskeln und die Nerven des Leiterteams? Wir wünschen euch und euren Gspändli weiterhin viel Spass im Jugilager! Mueti & Päpu

Liebe Grüsse auch ans Leiterteam:
MERCI VIELMAL für alles; sogar das Wetter habt ihr passend zur Leichtathletik organisiert! Chapeau!

Hallo Janik. I bi de froh wenn i nüm alleini muess schlafe. Mir isch es längwilig ohni di, schad bini no nid ir Schuel - de hätt i mitchönne. I wünsche dir ganz e schöni Wuche. Di Brüetsch Philip.

Hüt isches wider supper gsi. Doch leider heimer ize Muskukater. Nachem Znacht chöimer no is Hallebad. :D

mir hei gad müesse z trotti abgeh :(
das isch e frächheit :) u nere geits no is halle BAd

Mama, Papa, Grüess us Willisau. :D.A alli Leiter, Merci vil Mal für die super Wuche. ;))
PS: :))
S Jugihighlight 2011 :D

So Vale u Güstu hoffe benätnech!?
(Remo du de ou) und lueget öppä ou mou chli zur Alenka. So winimers cha vorsteuä heiters denk aui lustig zäme u üebet no chli für d Revue. No vieu Erfolg
Gruss Könu

Lieber Jan, lieber Jugeler, liebe Leiter
Lauter fröhliche, lachende, verschwitzte und (zum Glück für die Nachwächter) auch etwas müde Gesichter! Es macht riesigen Spass, die tollen Fotos jeden Abend zu bestaunen und so auch etwas an eurem kuhlen Lagerleben teilzunehmen. Wir wünschen euch allen weiterhin eine super tolle Zeit mit wenig Muskelkater! Euch Leitern danken wir sehr herzlich; merci vüu, vüu Mou :-)!!!!! Jan, hast du dein Portemonnaie gefunden? Liebe Grüsse Andrea, Mara und Sacha

heiii susle,corine.anita....
diir siit so fiis zu üs..dir hättet deh üs vom chrafttraning sho chli chönne verschone..nenei ish mega cool xii o we mer nüm hei möge het spass gmacht...

Liebi Livia!
Dir heit hüt, so a de Föteli a, wieder ä tolle Tag gha?! Hoffe äs geit Dir guet und Du chasch äs glich chli gniesse?!
Mir wünsche Dir ä gueti Nacht! Vo Härze liebi Grüess Mami Papa und Nici
..ä liebe Gruess ou a Marc ;-)

Hoi zämä!
O mir luege di tolle Föteli ganz gspannt aa u hei fröid, öich aui u bsungers d Judith u dr Michi z gseh.
Super wi dirs guet heit. Merci viu mau a aui wo zum guete Glinge biiträge. U ungloublich wi das Luzärner-Dialäkt deunä ahäicht.......
Ganz liebi Grüess

Hallo Lukas
Das fröit üs vo dir z'ghörä. Mir hei die tolle Föteli agluet und si begeischteret, dir hetis de super.Liebi Grüess, mir vermissä di. Gueti Nacht d'Sedis

Liebe Jugeler, liebe Leiter
Ich bin beeindruckt und fast etwas sprachlos! Voller Spannung und Neugier machte ich mich heute Morgen auf den Weg nach Willisau, und überglücklich gings am Abend wieder heim. Es war toll die riesige Begeisterung und grosse Motivation von euch allen mit zu erleben! Ich wünsche euch weiterhin viel Spass, heits guet....euer Presi:-))

Hallo zäme
Xeht super us, wasdir bis iz gmacht heit. Grosses BRAVO! a die ganzi Crew u natürlech ou a aui Jugeler. Utz.

Hallo ihr Sportler und Lei(d?)ter/-innen
Ciao Anina, Ramona und Yanik
Ich freue mich riesig, dass es euch gut geht und ihr eine tolle Woche erleben könnt. Bei uns ist es irgendwie extrem ruhig. Genießt dieses einmalige Ereignis, ihr habt es euch am KTF2010 verdient.
Dem Leitungsteam wünsche ich weiterhin die erforderliche Gelassenheit und Humor. Was ihr leistet ist Top. Danke.
Gruß aus dem Berner Oberland, (Papa) Rico

Hallo zämma
as isch gewaltig, was ihar do leischtat.Hut ab!Ich weiss eucha Isatz s`schetza und säga eifach danka vielmol!
Liabi Anina,Ramona und liaba Yanik ich mags euch so gunna, dass ihars so lessig hait.Gniassad das Jugiloger in volla Züga und hebat euch Sorg.An u liaba Gruass an alli Mama Elsbeth

Hoi Cédric, danke vieu mau für dini Grüess! Klar chömme mir di a d Revue cho luege. Mir wünsche dir u dine Gspändli no ä schöne Räschte vo öire coole Lagerwuche. Super wie guet dir das heit. Äs riesegrosses MERCI fürs ganze Leiterteam!! Liebi Grüess

Hoi Cédric danke für dis Grüessli! I bi scho gspannt uf d Revue u freue mi de di cho ds luege! Machs no guet! Äs riesegrosses Merci as Leiterteam, wo das unvergässleche Erläbnis ermüglecht super Isatz!!! Danke ou as Chuchiteam
:-)! Grüessli Gotti Lisi u Fam.

Liebi Töchtere! :-)
Super, das Öich so guet gfaut! Mir heis o guet! Ussert das mir Öich vermisse! Vorauem d Jana... Gniessets no!
Liebi Grüess us üsne ferie...

Hallo Sina, Florian u Lea
Ig luege au Tag was so passiert i euem Jugilager. Luschtig di Föteli u Blog
a zluege. Dir heits äue scho schön, luschtig u super cool. Es dünkt mi zwar mängisch si d'Ouge afe chli worde. Dr Schlof chunnt äue scho chli z'churz.
Vor Lea hani no nid viu gseh, isch si no derby?
Heit no ä schöne Räschte!
Äs ganz grosses Merci a aune dene viune Häufer u Häuferinne. Super!
Liebe Grüess Susi Grosi

Hoi Cedric,hesches guet im Lager?mir luege jede Tag Eui Föteli a.Super spannend!Mir freue üs scho uf die viele spannende Gschichtli wo Du üs chunnsch cho verzeue!Liebi Grüess und bis gliii.Barbara, Susanne und Raphael

Hoi Michelle
Wie geits dr? Ha öbe dänkt du schriebisch de au mau es paar Ziele, aber so wie`s usgseht hesch du äuä gar kei Zit, macht nüt. Ig wünsche dir no ganz ä schöni Wuche und bis am Samstig, ig freue mi scho was de aus verzäue hesch. Ganz ä liebe Gruess vom Mami

Hoi Mara, uf de Föteli schinet dirs würklech cool z ha. Morn isch scho dr letscht Tag, mir si scho ganz gspannt was du z verzeue hesch :-))
Mir vermisse di aui ganz fescht, u fröie üs uf di.
Ganz es grosses Merci !!! A aui Häufer wo das Jugi Lager überhoupt ermüglecht hei. Super Sach ! Gniesset no aui dr Räscht vom Lager!
Liebi Grüessli Pia Pedro & Yannic Frey

z esse isch mega fein!

Lieber Joel, wir waren heute in Koppigen zu besuch. Wir hatten mit Nora ein spaziergang gemacht. Es ist schön zu hören das es dir im Lager gefällt. Wir wünschen dir noch einen schönen Rest, wir sehen uns ja am Samstag und freuen uns auf dich. Lieber Gruss Grosi und Grosätti

Hallo Eltern mir geht es gut. Und euch ?Lg tobias

hallo hüt hei mir gschwungä..
u si is Hallebad isch cool gsi.
morn gits ä uberraschig...

sophie geit`s der guet????????????
was macheter grad?????
mir si Vori grad vom brunehüsli hei cho.
no schöns lager .

liebi grüess moritz & mueti

Hallo mama und papa i ha eue kommentar gläsä ig vermise euch o

e liebe gruess us choppige a aui jugeler u leiter!! dir sit eifach WàUTKLASS!!!!!!!!!!!!!!!!!!!!!!!!!!!!!!!morn wünsche mir öich e mega coole UEBERRASCHIGS TAG! gniessits u häbit sorg!Bis am samschtiiiiiiiiiiiiiiiiiiiiiii mir fröie üs!!!!!!FRITZU U SEPPU

Windelduft ersetzt Schweissgeruch der ZSA-Gruft. Heimkehrherz ersetzt Abschiedsschmerz. Mämämä ersetzt Blablabla. Quicksoup ersetzt Küchentrupp...usw! Ich wünsche euch morgen einen wunderbar-genialen Schluss-Überraschungstag. Ihr Leiter und Jugeler seid und bleibt die Besten!

P.S. Freue mich auf eine PVC-freie Matratze und wünsche euch eine geräuscharme Nachtruhe!

Meine Lieben
danke für alles, was ihr Leiterinnenund Leiter leistet!!!!!!!!!!!!
Super Kinder, bin stolz, dass es die heutige G U T E Jugend gibt!!!!!!!! Ich wusste es eigentlich und ihr beweist es.
Wir freuen uns wenn ihr es weiterhin geniesst!
Herzliche Grüsse........ganz speziell natürlich " meinen Buben (!!!) (inkl. Tineli) " jööööööö...

Echt, ich bin stolz auf ALLE!!!!!!!

Hoi zäme, hoi Michelle
Mou mou, das isch würklech ä mega-cooli Sach, das Jugilager! Wo me häre luegt nume zfrideni Gsichter uf de Föteli. Merci aune Leiter für ihre gross Isatz und d'Organisation.
Michelle, häb no ä schöne Räschte und ig bi scho sehr gschpannt, was ds verzeue hesch, wenn wieder hei chunnsch. Liebe Gruess, dr Papi.

i schribe im Uftrag vom Kindler Heinz.
liebi jugeler u liebi leiterinn und leiter, ig schicke euch aune ä gruess us oustralie u wünsche euch aune e guete bim käguruhzmoge

natürlech wünsche ou ig ä guete u heits no witerhin so toll im Jugilager
Gruess Gaby

Energiereserven fast aufgebraucht.Die Freude und der durchhaltewillen jedoch immernoch anwesend. Humor immernoch vorhanden. Beim abendlichen zu bettgehritual C.W. "du Chäuerchrigu, erschtens: I bringe das Zedeli da underem Bett nid füre. zwöitens: mi schrisverschluss vom Schlafsack geit nid zue" nach der reparatur des zweiten wende ich mich kurz ab. C.W. reagierte prompt:"du Chäuerchrigu was isch mit erschtens???" Kleine Freuden, die meiner doch langsam stärker werdenden Müdigkeit sofort wieder den garaus macht. Nach der ersten gravierenden Verletzung hoffen wir auf einen unfallfreien Rest und wünschen Valentin sehr schnelle ung gute Besserung!!! Danke für deinen Einsatz

Liebi Lüt in Willisau. Bi fasch chli niedisch uf euch, weni die Brichtä und Fötteli gse! Ig mas aune gönne, dass diä Wuchä so super louft für aui.
Liebä Tobias und Silvan: Machts Spass im Lager?
Chrigu und Äiwi sowie aui Leiter und natürlech s'Chuchiteam sowie aui stüuä Häufer: Chapeau!!!
No nä guetä Räst vor Wuche und ganz ä liebä Gruess
Stefu

Guete Morge Tobias, Rafael u Simona
Guete Morge aui zäme
Trotz Müdigkeit wünschen wir euch allen einen tollen letzten Lagertag. Geniesst die Zeit Miteinander und "heit Sorg zu enang". Allen mehr oder weniger Verletzten wünschen wir gute Besserung.
Bis am Samstag. Fränzi & Tinu

Hoi Silvan
Mir gse di gäng uf de Biuder, z schwinge isch äuä mega cool gsi. Zum Glück chunsch du scho gli wider hei, mir vermisse di nämlech sehr. Gniess der letscht Tag u chum gsung hei. Liebi Grüess vom Elias & Noel
P.S. Grüess aui Leiter und z Chuchiteam, mir wäre gärn ou scho aut gnue das mir ou chönnte derbi si.

Heit ers gut ????????????
ig scho.
lg sedi

Hallo Lukas
Mir heis ou guet, aber mir fröiä üs uf di. Soooooo wies usgseht hei dirs mega guet. Häb ä schönä Tag und ou aui angerä.
Liebi Gruess d'Sedis

Mir geitz guet !!
Mir mache ä boschtälouf !! i
10 Gruppänä
lg sophie u jenni

MIR HEI HÜT GANZ FIU RÄTZU MÜSSE LÖSE!!LEIDER MÜSSE MIR MORN SCHO HEI ABER MIR GLOUBE DAS AUI E WUNERFOOLI WUCHE GHA! LIEBI GRÜSSLI NICCI U LAURI :P

ich finde es mega blöd das das JUGILAGER
schon fertig ist.lg yanik

Hallo Livia
...dir müesst ä gigantischi Wuche erläbt ha!? I freue mi ganz fescht für Öich aui!!!
De gniess das letschte Znacht ässe no so richtig!!!
Wünsche Dir/Öich no ganz ä schöne letschte Lager Abe!!!..DIR AUI SIT WÄUTSKLASS!!
Ig freue mi ganz fescht uf Morn..!!!
Muntsch Dis Mami

Hallo Janik Mir hei hüt wieder Föteli gluegt - mega cool. Gniess dä letscht Abe no. Freue mi uf morn!!! Liebe Gruess Mami.
PS: Dir Leiter sit dr Hammer!!!!!!!! Danke vieu vieu mau

Hüt dr Spiunomitag isch eifach dr Hammer gsi! S ganze Lager isch super gsi ! D Leiter u d Chuchi si Spitze !

Auerliebschti Jugeler. ou us der Chuchi wette mir öich no es R I S E merci serviere. Der Dank wo mir tagtäglech vo öich hei übercho, hetis extrem gfröit und immer wider ufs nöie motiviert. Dir heit i dere Wuche eidütig bewise, dases no e huufe ganz flotti u dankbari Kiddis git. Witer so...
u morn si mir gwüss de froh einisch is Huli chönne zga, ohni vorhär no für fasch 100 Lüt ir Pfanne grüert zha.

Guet Nacht in Willlisou, liebi grosse und chline Lüt,
Die Lagerwuche z Willisou wird euch aune sicher immer i beschter Erinnerig bliibe u ghört zu öppis vom Wärtvouschte wo me cha erläbe. Es geit nid nume ums Turne, sondern ou um d Kameradschaft, enang behiuflech si, vonenang öppis annäh usw. Drum dankeni hie a dere Steu no einisch vo Härze, dass das isch müglech gsi, es isch eifach gigantisch, was dir aui zäme heit uf d Bei gsteut. Mi het das z töifscht berüehrt.... Schlofit no guet, läbit wou und chömet morn gsung hei.....

Wenn ich Dankbarkeit, Freude, Motivation, Zusammenarbeit und "der Friede ha" umschreiben sollte und in einem Zug erklären müsste, hätte ich vor einer Woche nicht gewusst wie machen.
Wir haben nicht die Welt verbessert, und wegen uns ist auch die Sonne nicht im Westen aufgegangen. Wir haben auch nicht Berge versetzt, aber wir haben gespürt, dass Kinder die dankbarsten Geschöpfe sind auf dieser Welt. Danke liebe Eltern habt ihr uns das Vertrauen gegeben Euren Kindern etwas von unser Freude und unserer Leidenschaft weiterzugeben. Müdigkeit, Muskelkater und Stress gehen vergessen wenn man solches erlebt wie wir Leiter in dieser Woche. Viele schöne Erinnerungen werden bleiben und das Lager in Willisau zu einem unvergesslichen Erlebnis machen.
Noch eine Nacht steht uns bevor und wir Leiter hocken nun noch zu einem gemütlichen Glesli zusammen und freuen uns euch morgen die Kinder wieder übergeben zu dürfen. Danke!

das Lager isch eifach der Hamemr xsii :D und i gloub das gseh nid nur ii so...Mercii viel Mal..Hei also alli Vollgas gä ;)). Wirdi nie vergässe :D

Ig möcht aune Leiter/inne ganz härzlich danke für die letscht Woche. Isch hene cool gsi!!! ;) es grosses MERCI

Auch wir möchten es nicht unterlassen, euch allen ein ganz grosses MERCI zu sagen für die letzte Woche. Laura erzählte und erzählte vom tollen Leiterteam, feinem essen, super Stimmung, turnen und, und und. Nochmals herzlichen Dank an alle die diese unvergessliche Woche ermöglicht haben. Nidis

Äs isch mega COOL im LAGER gsi!!!
DANKÄ VIU MAU.
Mir het sogar dä CHUCHIDIENSCHT mega
GFAUÄ!!! (PS: Rezept dodäför wöret mer Eltere gern entgege näh!)
Liebi Grüess KIM

Liebi Jugeler, u liebi angeri Leiter
Merci 1'ooo für die super Wuche. Het mega gfägt mit öich z' Leite u mit de Jugeler z'Turne. Sit grossartig.! :D

Sprachlos! Danke 1ooo.
Dir sit aui zämme die absolut beschte.

Meine Lieben (alle, die das lesen)
Es war wunderschön, heute morgen am Zmorgetisch zu sitzen und die ganze Zeit den Chrigeli ruhig am Essen, Prichten, Plagieren, Erzählen zu haben, ohne dass er ein einziges Mal " nume schnäu no öppis maile, ufschribe, luege, telefoniere........" muss. Er ist so was von zufrieden...... und wir Eltern so was von glücklich und auch ein wenig stolz, dass er mit all seinen vielen Helfern ein so gutes Erlebnis in seine Erinnerungskiste legen darf. B-R-A- V-O bravo bravo bravo. Ich denke das tut allen gut!!!!!!! Geniesst den Sonntag, grad jetzt blendet mich die Sonne ein ganz klein wenig........ (Zufall??????) Sonntag, 16.10.2011, 16.43 Uhr, und guter Start in den Alltag am Montag
mother Änni Keller

So ou ig wetts nid ungerloh da o no öppis i dä Blog ds schribe..
Nomau es riise MERCI vorauem ads Äiwi und a Chrigu wo im Vorfäud vo däm Lager scho ee riise Arbeit gleischtet hei, das überhoupt aues eifach eso wunderbar klappet het eifach genau.
Ou mine zwe Chuchitigere und am "Mädchen für alles" =) wetti viumau danke für die hammer Ungerstützig ohni euch hät das mitem Choche nie so guet klappet u vorauem die vile vile lacher womer hei gha u die luschtige momänte hätte extrem gfäut danke tuusig..=)
e liebe Gruess u es grosses Merci
vom Küsche..=)