Aargauer Kantonalturnfest Brugg-Windisch

Scho früh het üses Turnfest agfange. Am 6.00 si di meiste uf em Poschtouto gsi u spätestens im Zug uf Brugg si aui zäme gsi. Es isch gwaltig gsi mit über 70 Turner dörfe ufem Gländ izloufe. Ganz klar si mir ir 1. Stärkeklasse gstartet u hei im 3-teilige Wettkampf überzügt. Mit dr Endnote vo 25.89 dörfe mir meh aus zfride si. Es grosses Komplimänt für e gross Isatz vo aune Turner. Natürlech het ou dr gsellige Teil nid dörfe z’kurz cho.

 

Einisch angers: Mir hei bi schönem Wätter es Openairkonzert chönne gniesse u asschliessend e Show „Feuertanz“ mit em Josef:-)

 

Da mir nid es klassisches Turnfest hei erläbt, u mir scho ab de zwöie i gsellig Teil gstartet si, si ungwöhnlich viel scho nach de zwöufe ir feudale Unterkunft vor Kaserne zum Pfüsele iglofe.

Nach däm mir am Sunntig gmeinsam d’Schlussvorführig agluegt hei, heis mir sichtlich gnosse anschliessend aus Grossverein z’Gländ wieder z’verloh!

Nach ere lustige Zugfahrt hei mir üses Turnfest im Chillout z’Koppige lah usklinge.

Danke aune wo mitghufe hei im Vorfäud und während em Fest üse Verein z’Ungerstütze.

 

 

Merci viu mou

Thesi

 

 

PS: Aues i auem cha meh säge TURN isch guet gsi......   FESCHT hei mir nid gfunge, aber mir göhs de nächscht Jahr uf Oberburg gah sueche!!!!!